ଉତ୍ତର ପ୍ରଦେଶ ବିଧାନସଭା ନିର୍ବାଚନ ତାରିଖ ଘୋଷଣା କରିଛନ୍ତି ଭାରତୀୟ ନିର୍ବାଚନ ଆୟୋଗ।ହେଲେ ନିର୍ବାଚନ ପୂର୍ବରୁ ଉତ୍ତର ପ୍ରଦେଶ ରାଜନୀତି ପାଣିପାଗ ବଦଳିବାରେ ଲାଗିଛି।ତିନି ଦିନ ରେ ତିନି ଜଣ ମନ୍ତ୍ରୀ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି।ଏହି ସବୁ ମନ୍ତ୍ରୀ ବିଜେପି ଛାଡି ସମାଜବାଦୀ ପାର୍ଟି ରେ ଯୋଗ ଦେଇଛନ୍ତି।ପ୍ରଥମେ ଉତ୍ତର ପ୍ରଦେଶ ସରକାର ର ଶ୍ରମ ମନ୍ତ୍ରୀ ସ୍ବାମୀ ପ୍ରସାଦ ମୋର୍ୟ ମନ୍ତ୍ରୀମଣ୍ଡଳ ରୁ ଇସ୍ତଫା ଦେବା ସହ ଏସପି ରେ ଯୋଗ ଦେଇଥିଲେ।ଏହା ପରେ ଜଙ୍ଗଲ ଏବଂ ପରିବେଶ ମନ୍ତ୍ରୀ ଦାରା ସିଂ ଚହୁଆନ ମନ୍ତ୍ରୀ ମଣ୍ଡଳ ରୁ ଇସ୍ତଫା ଦେଇଛନ୍ତି।ତାଙ୍କ ପରେ ଆଉ ଜଣେ ମନ୍ତ୍ରୀ ଧର୍ମ ସିଂ ସାଇନି ଇସ୍ତଫା ଦେଇଛନ୍ତି।ଏହି ସବୁ ମନ୍ତ୍ରୀ ସମାଜ ବା ଦି ପାର୍ଟି ମୁହାଁ ହୋଇଛନ୍ତି।ଏମାନଙ୍କ ସହ ୬ଜଣ ବିଧାୟକ ବିଜେପି ଛାଡ଼ି ଏସପି ରେ ଯୋଗ ଦେଇଛନ୍ତି।ଏବେ ଠାରୁ ଉତ୍ତର ପ୍ରଦେଶ ରାଜନୀତି ସରଗରମ ହେବା ରେ ଲାଗିଲାନି।ଏହି ସମସ୍ତ ନେତା ପଛୁଆ ବର୍ଗ ରୁ ପ୍ରତିନିଧିତ୍ଵ କରୁଥିବାରୁ ବିଜେପି ପାଇଁ ଅଡ଼ୁଆ ବଢ଼ିଛି।
Saturday, July 5, 2025
