କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ବାପା ପୂର୍ବତନ କେନ୍ଦ୍ର ମନ୍ତ୍ରୀ ଦେବେନ୍ଦ୍ର ପ୍ରଧାନ ଦୀର୍ଘ ବର୍ଷ ପରେ ନଜରକୁ ଆସିଛନ୍ତି।ହଠାତ୍ ବିଜେପି ରାଜନୀତି ରୁ ଗାଏବ ହୋଇଯାଇଥିବା ପୂର୍ବତନ କେନ୍ଦ୍ର ମନ୍ତ୍ରୀ ଦେବେନ୍ଦ୍ର ପ୍ରଧାନ ଏବେ ପୁଣି ଜନସମ୍ପର୍କ ସ୍ଥାପନ କରୁଛନ୍ତି।ସେ ଆଉ ନିର୍ବାଚନ ଲଢ଼ିବା ଜଣା ପଡୁନାହିଁ।କିନ୍ତୁ ସେ କାହା ପାଇଁ ବିଭିନ୍ନ ସଭା ସମିତି ରେ ଯୋଗ ଦେଉଛନ୍ତି ତାକୁ ନେଇ ଭିନ୍ନ ଚର୍ଚ୍ଚା ଲାଗିରହିଛି।କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ପତ୍ନୀ ମୃଦୂଳା ଠାକୁର ପ୍ରଧାନ ଙ୍କ ସହ ଦେବେନ୍ଦ୍ର ପ୍ରଧାନ ଉପସ୍ଥିତ ଥିବା ଦେଖିବାକୁ ମିଳିଛି।ତେବେ ଦେବେନ୍ଦ୍ର କାହା ପାଇଁ ମଇଦାନକୁ ଓହ୍ଲାଇଛନ୍ତି?
ପୁଅ ତଥା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ପାଇଁ ନା ବୋହୂ ମୃଦୂଲା ଙ୍କ ପାଇଁ।ଚର୍ଚ୍ଚା ହେଉଛି ୨୦୨୪ରେ ମୃଦୂଳା ତାଳଚେର ବିଧାନସଭା ଆସନରୁ ନିର୍ବାଚନ ଲଢ଼ିପରନ୍ତି।କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବ୍ୟସ୍ତ ରହୁଥିବାରୁ ସେ ସଂଗଠନ ଉପରେ ଧ୍ୟାନ ଦେଇ ପାରୁନାହାନ୍ତି।ତେଣୁ ପତ୍ନୀ ଙ୍କୁ ଏଥର ନିର୍ବାଚନ ଲଢେଇବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି ଧର୍ମେନ୍ଦ୍ର।ଆଉ ବୋହୂଙ୍କ ପାଇଁ ଏବେ ଠାରୁ ପ୍ରଚାର ମଙ୍ଗ ଧରିଛନ୍ତି ଶଶୁର ଦେବେନ୍ଦ୍ର ପ୍ରଧାନ।କୃଷକ ମାନଙ୍କ ପାଇଁ ବିଭିନ୍ନ କେନ୍ଦ୍ର ସରକାରଙ୍କ ଯୋଜନାକୁ ତାଳଚେରରେ କାର୍ଯ୍ୟକାରୀ କରିବା ପାଇଁ ମୃଦୂଳା ଅଣ୍ଟା ଭିଡିଛନ୍ତି। ତାଙ୍କୁ ସହଯୋଗର ହାତ ବଢାଇଛନ୍ତି ଶଶୁର ତଥା ପୂର୍ବତନ କେନ୍ଦ୍ର ମନ୍ତ୍ରୀ ଦେବେନ୍ଦ୍ର ପ୍ରଧାନ।
